Ես Լուիզա Տերտերյանն եմ: Տեղափոխվել եմ այս դպրոց 2013 թ-ի հոկտեմբեր ամսին: Այստեղ շատ հետաքրքիր է ու ինձ շատ է դուր գալիս: Ընտրել եմ դիմահարդարի մասնագիտությունը և համոզված եմ, որ լավ մասնագետ կլինեմ: Իսկ հիմա ուզում եմ խոսել իմ հանրակրթական առարկաներից: 2013-2014 ուս տարվա հոկտեմբեր, նոյեմբեր ամսին հայոց պատմության դասաժամերին իրականացրել ենք նախագիծ ՝ «Հին Հայաստանի արհեստների պատմությունը և զարգացման առանձնահատկությունները» ,որի ընթացքում պարզեցինք, որ հին Հայաստանում առևտուրը հիմնականում իրականացվել է պարզ ապրանքափոխանակության շնորհիվ:Անգլերեն դասերին իրագործել ենք ՝«My family»,«My friend»նախագծերը ,աշխատում ենք հայերեն-անգլերեն մասնագիտական բառարանի վրա: Հայերեն դասերին սովորում ենք բանաստեղծություններ Թումանյանից, Չարենցից, խաղիկներ, դարձվածքներ: Ռուսերեն ժամերին կատարում ենք թարգմանություններ և այլ ստեղծագործական աշխատանքներ: Վրացախոսների ակումբով հունվարի 16 –ին ակումբային գործունեությունը անցկացրեցինք դպրոց – պարտեզի 2.1դասարանում, սովորեցնելով երկխոսություն: Մեկ անգամ վարել եմ առավոտյան ընդհանուր պարապունք և սովորելեմ բազմաթիվ երգեր: Ուղղակի ունեմ մեկ թերություն.մասնակցում եմ առավոտյան ընդհանուր պարապունքին ուշացած, քանի որ ապրում եմ հեռվում: Ձմեռային ճամբարին մասնակցել եմ՝«Ինչ՞,որտեղ՞,երբ՞ »,«Ո՞վ է ուզում դառնալ միլիոնատեր » ինտելեկտուալ խաղերին: Ներկա եմ գտնվել Դիջիտեք 2014-ի ստուգատեսին և հարցազրուց վերցրել Լուսինե Բուշից և Հասմիկ Թոփչյանից: Հորդորում եմ բոլորին ներկայացնել իրենց հայտերը, և շնորհավորում եմ մասնակիցներին դիջիթեքյան օրերի կապակցությամբ: